17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Կառավարությունը հաստատեց ԵՊՀ-ի և բժշկական համալսարանի ռեկտորների ընտրությունների արդյունքները․ ՏԵՍԱՆՅՈՒԹ
Հասարակություն
23.12.2021 | 11:40
Կառավարությունը հաստատեց «Երևանի Մխիթար Հերացու անվան պետական բժշկական համալսարան» հիմնադրամի ռեկտորի պաշտոնում Արմեն Մուրադյանի ընտրության արդյունքները:
«Ուզում եմ շնորհակալություն հայտնել Կառավարությանը այս տարիներին աջակցության համար: Շատ հավակնոտ ծրագրեր ենք իրականացնում, միջազգայնացման գործընթաց է գնում ոչ միայն ուսումնական պրոցեսի, այլ նաև միջազգային դաշտում կլինիկական ուղղությունը զարգացնելու հարցում: Այս պահին արդեն պատրաստ է ուղեղի զարգացման հետազոտական կենտրոնը, որը մեկ ամսվա ընթացքում կարող ենք բացել: Գեներացվել է 2 միլիոն դոլար»,- ասաց Մուրադյանը: Նա նաև հավելեց, որ պահին ԵՊԲՀ-ում սովորում է շուրջ 2000 արտասահմանցի ուսանող ավելի քան 32 երկրից:
Կառավարությունը հաստատեց նաև «Երևանի պետական համալսարան» հիմնադրամի ռեկտորի պաշտոնում Հովհաննես Հովհաննիսյանի ընտրության արդյունքները:
«Սա առաջին հերթին մեծ պատասխանատվություն է և պատիվ գլխավորել Երևանի պետական համալսարանը: Այս ամիսների ընթացքում նախաձեռնել ենք մի շարք բարեփոխումներ: Կարծում եմ, որ Երևանի պետական համալսարանը դեռևս իր խոսքը կասի և մեծ դեր ունի մեր երկրի զարգացման գործընթացում»,- նշեց Հովհաննիսյանը:
Մանրամասները՝ տեսանյութում:
