07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ռուսական ուղղափառ եկեղեցու վերականգնման համար գումար ենք հատկացնում. Նիկոլ Փաշինյան․ ՏԵՍԱՆՅՈՒԹ
Մշակույթ
23.12.2021 | 11:38
Մենք Հայաստանում պատմամշակութային ժառանգության պահպանման խնդիրներին առանձնահատուկ ուշադրություն պետք է դարձնենք, որովհետև կարևորում ենք մեր ինքնության և պատմության հուշարձանների պահպանումը: Այս մասին կառավարության նիսում նշեց ՀՀ վարչապետ Նիկոլ Փաշինյանը:
«2020-ից պիտի մի ծրագիր սկսեինք, որը պատերազմի պատճառով ընդհատվեց, խոսքը մեր պետականությունը խորհրդանշող պատմամշակութային հուշարձանների պահպանման և վերականգնման ծրագրի մասին է՝ այս դեպքում ամրոցների և բերդերի մասին է»,- նշեց Փաշինյանը՝ հավելելով, որ այդպիսի բավականին հարուստ ժառանգություն ունենք, բայց այն բավարար չափով պահպանված և մատչելի չէ՝ սկսած նրանից, որ դեպի այդ ամրոցներ ու բերդեր տանող պատշաճ ճանապարհներ չկան, դրանք տասնյակ տարիներ ամրացման ու վերականգնման որևէ աշխատանքների չեն ենթարկվել»,– նշեց Փաշինյանը` հավելելով, որ այս իրավիճակն ազդում է նաև զբոսաշրջության զարգացման վրա։
Վարչապետը կարևորեց հատկապես Լոռու մարզի Ամրակից գյուղի ռուսական եկեղեցու վերականգնման աշխատանքներն ու Արենիի հնագույն կոշիկի ցուցադրության կազմակերպումը։
Նշենք,որ կառավարության այսօրվա նիստում ընդունված որոշմամբ, կրթության, գիտության, մշակույթի և սպորտի նախարարությանը հատկացվեց 128 439 600 դրամ։ Ինչպես նախագիծը ներկայացնելիս հայտնեց նախարար Վահրամ Դումանյանը, այդ գումարից 98 միլոին 401 հազար դրամը հատկացվելու է ՀՀ-ում մի շարք հուշարձանների ամրակայմանը, նորոգմանն ու վերականգնմանը։
Մանրամասները տեսանյութում:
