15.05.2026 | 11:03
Հայաստանն ու ԱՄՆ-ը քննարկել են համագործակցությունը կրիտիկական հանքանյութերի ոլորտում
Ավտոբուսների ձեռքբերման շուրջ սաբոտաժ եղե՛լ է, հաստատում եմ. ավագանու անդամ․ ՏԵՍԱՆՅՈՒԹ
Տնտեսություն
22.12.2021 | 11:40
Երևանի քաղաքապետարանում ընթանում է Երևանի ավագանուհատուկ նիստը, որի ընթացքում կորոշվի գործող քաղաքապետ Հայկ Մարությանին պաշտոնանկ անելու ու նրա փոխարեն քաղաքապետի առաջին տեղակալ Հրաչյա Սարգսյանին ընտրելու հարցը:
Երևանի ավագանու անդամ անդամ Էռնեստ Ավանեսովն իր ելույթում հաստատեց տեղեկությունը, որ Երևանի նոր ավտոբուսների խմբաքանակի գնման հարցի շուրջ «Իմ քայլը» խմբակցությունը սաբոտաժ է արել։ «Ավտոբուսներ բերելու հետ կապված սաբոտաժ, այո՛, եղել է։ Եվ ես ինքս ևս հաստատում եմ դա։ Ես որոշում էի կայացրել, որ քաղաքացիները, քաղաքը չպետք է տուժի։ Ես մասնակցել եմ այդ նիստին, կողմ եմ քվեարկել, որպեսզի քաղաքն ունենա նոր ավտոբուսներ։ Այլ ինչ «լոլոներ» կկարդան, հետաքրքիր չէ։ Այդ պահին կամ պետք է լիներ «Գազել»-ը, կամ ավելի լավ ավտոբուս, ես և մի շարք մարդիկ ընտրեցինք, որպեսզի լավ ավտոբուսներ լինեն քաղաքացիների համար։ Այո, «Իմ քայլը» խմբակցությունը շատ է շեղվել հեղափոխության արժեքներից»,- հայտարարեց Ավանեսովը։
Նրա խոսքով՝ Երևանի քաղաքապետի նոր թեկնածուն ընտրվեց մեկ գիշերվա ընթացքում, դա նշանակում է, որ դարձյալ մեկ գիշերվա ընթացքում որոշումներ են կայացվում։ Ավանեսովն «Իմ քայլը» խմբակցությանը կոչ արեց համոզիչ հիմնավորել, թե ինչու պետք է հեռանա Հայկ Մարությանը։
Մանրամասները՝ տեսանյութում:
