12.12.2024 | 21:38
Հայաստան-Հնդկաստան-Իրան եռակողմ խորհրդակցություններ են անցկացվել
Վրաստանի ՊՆ ղեկավարը պաշտոնական այցով Ադրբեջանում է
Քաղաքականություն
21.12.2021 | 20:25
Վրաստանի պաշտպանության նախարար Ջուանշիր Բուրչուլաձեի գլխավորած պատվիրակությունը պաշտոնական այցով Ադրբեջանում է։ Այս մասին հաղորդում են ադրբեջանական լրատվամիջոցները՝ վկայակոչելով ՊՆ-ին։
Նշվում է, որ այցը տևելու է մինչև դեկտեմբերի 23-ը։
Տեղական լրատվամիջոցները նաև հայտնում են, որ Վրաստանի պաշտպանության նախարարին ընդունել է Ադրբեջանի նախագահ Իլհամ Ալիևը։ Հանդիպմանը կողմերը գոհունակություն են հայտնել տարբեր ուղղություններով ադրբեջանա-վրացական երկկողմ բարեկամական հարաբերությունների զարգացման կապակցությամբ, այդ թվում՝ ռազմական համագործակցության ոլորտում։
Վրացական պատվիրակության այցից այլ մանրամասներ առայժմ չեն հաղորդվում։
Էմմա Չոբանյան
