15.07.2026 | 23:23
Ջրափրկարարները քաղաքացիներին անվնաս մոտեցրել են ափ․ նրանց կյանքին վտանգ չի սպառնում
ԱԺ-ում տեղի ունեցած ծեծկռտուքի կապակցությամբ ԱԱԾ-ում քրեական գործ է հարուցվել․փաստաբան
Հասարակություն
21.12.2021 | 13:30
Դեկտեմբերի 7-ին Ազգային ժողովում տեղի ունեցած ծեծկռտուքի կապակցությամբ ՀՀ ԱԱԾ քննչական դեպարտամենտում հարուցվել է քրեական գործ՝ ՀՀ Քրեական օրենսգրքի 258-րդ հոդվածի 3-րդ մասի 1-ին կետի (անձի նկատմամբ բռնություն գործադրելով զուգորդված խուլիգանությունը, որը կատարվել է մի խումբ անձանց կամ կազմակերպված խմբի կողմից) հատկանիշներով։ Այս մասին ֆեյսբուքյան էջում գրել է փաստաբան Բենիկ Գալստյանը։
Հիշեցնենք՝ Ազգային ժողովում միջադեպ էր տեղի ունեցել իշխող «Քաղաքացիական պայմանագիր» կուսակցության պատգամավորների և ընդդիմադիր պատգամավորների օգնականների միջև:
Ընդդիմադիր պատգամավոր Իշխան Սաղաթելյանի օգնական Սյունե Գևորգյանը լրագրողների հետ զրույցում պնդել էր, որ ԱԺ փոխխոսնակ Ռուբեն Ռուբինյանի աշխատասենյակում ՔՊ խմբակցության պատգամավորներ Հրաչյա Հակոբյանը, Վահագն Ալեքսանյանն ու ևս մի քանի հոգի ծեծի են ենթարկել «Հայաստան» խմբակցության ՀՅԴ-ական պատգամավորների երեք օգնականի։
Ռոզա Վարդանյան
