19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ
ԱՄՆ-ը պատժամիջոցներ է սահմանել Վրաստանում գործող մի քանի ընկերության նկատմամբ
Քաղաքականություն
20.12.2021 | 20:38
Ամերիկայի Միացյալ Նահանգների առևտրի նախարարությունը պատժամիջոցներ է սահմանել մի շարք երկրներում գործող ընկերությունների, այդ թվում՝ Վրաստանում գործող երեք ընկերության նկատմամբ։
Aliq media-ն գրում է, որ դեկտեմբերի 17-ին հրապարակված հաղորդագրության համաձայն՝ «սև ցուցակում» ընդգրկված են այն ընկերությունները, որոնք ԱՄՆ-ի կողմից դիտվում են որպես սպառնալիք իր արտաքին քաղաքականության կամ ազգային շահերի համար։
Ընդհանուր հաշվով` «սև ցուցակում» հայտնվել են Չինաստանում, Թուրքիայում, Մալայզիայում և Վրաստանում գործող 37 ընկերություններ։ Տվյալների համաձայն՝ ցուցակում հայտնված ընկերությունները Իրանին ամերիկյան արտադրության արտադրանք են մատակարարում կամ փորձում են մատակարարել։
Ըստ ԱՄՆ-ի Առևտրի նախարարության` այս արտադրանքը կարող է նյութապես օգնել Իրանի պաշտպանական արդյունաբերությանը, որը խախտում է ԱՄՆ-ի արտահանման վերահսկողության պայմանները։
Վերոնշյալ համատեքստում պատժամիջոցներ են սահմանվել Վրաստանում գործող հետևյալ 3 ընկերությունների նկատմամբ.
- SAEROS Safety ERO
- Gensis Engineering
- ROV Solutions
Առևտրի նախարարության կողմից «սև ցուցակում» հայտնվելը արգելում է ամերիկյան ապրանքների մատակարարումը այդ ընկերություններին, մինչև ԱՄՆ-ի կառավարությունը չտրամադրի հատուկ լիցենզիա:
