16.05.2026 | 11:33
Քաղաքների մթնոլորտային օդում փոշու պարունակությունը մայիսի 2-8-ը
Բացազատվում են Վաղարշյան-Գյուլբենկյան փողոցի՝ տարիների ընթացքում քաղաքացիների կողմից յուրացված մայթի հատվածները
Տնտեսություն
20.12.2021 | 16:07
Արաբկիր վարչական շրջանից տեղեկացնում են, որ վերականգնվել է Սունդուկյան փողոցի՝ Վաղարշյան-Գյուլբենկյան հատվածի մայթը։
«Սունդուկյան փողոցի՝ Վաղարշյան-Գյուլբենկյան հատվածում տասնամյակներ առաջ կառուցված մայթից մնացել էին միայն հիշողություններ: Մայթի վերականգնումը շատ սպասված նախաձեռնություն էր թե՛ հարակից տների և շենքերի բնակիչների, և թե՛ այս հատվածով անցուդարձ անող քաղաքացիների համար։
Վերականգնման աշխատանքներին զուգահեռ բացազատվում են մայթի՝ տարիների ընթացքում քաղաքացիների կողմից յուրացված հատվածները: Արաբկիր վարչական շրջանի ղեկավարի աշխատակազմի աշխատակիցների հորդորով քաղաքացիների կողմից վերափոխվում են նաև հարակից ավտոտնակների դարպասները՝ հետիոտնի համար անարգել անցուդարձ ապահովելու նպատակով»,- ասված է հաղորդագրությունում։
