07.11.2024 | 10:30
Նավթի գներն աճել են
ԱՄՆ-ը ողջունել է Ադրբեջանի կողմից 10 հայ զինվորականների ազատ արձակումը
Քաղաքականություն
20.12.2021 | 11:40
ԱՄՆ-ը ողջունել է Ադրբեջանի կողմից 10 հայ զինվորականների ազատ արձակումը Ադրբեջանի նախագահ Իլհամ Ալիևի և ՀՀ վարչապետ Նիկոլ Փաշինյանի Բրյուսելում կայացած բանակցություններից հետո։ Այս մասին Twitter–ի իր էջում գրել է Պետդեպի մամուլի ծառայության ղեկավար Նեդ Փրայսը։
«Մենք ողջունում ենք Ադրբեջանի կողմից դեկտեմբերի 19-ին ԵՄ աջակցությամբ 10 հայ ձերբակալվածների ազատ արձակումը։
Մենք կոչ ենք անում ամբողջությամբ և արագ ազատ արձակել մնացած բոլոր ձերբակալվածներին, փոխանակել աճյունները և հաշվետվություն ներկայացնել անհետ կորածների վերաբերյալ։ Մենք կարևորում ենք ձերբակալվածների նկատմամբ մարդկային վերաբերմունքը՝ միջազգային պարտավորություններին համապատասխան»,- գրել է նա։
We welcome Azerbaijan's release of 10 Armenian detainees on December 19 with EU support. https://t.co/lWjJgODz6b
— Ned Price (@StateDeptSpox) December 19, 2021
Հիշեցնենք, որ երեկ հայտնի դարձավ, որ Ադրբեջանը վերադարձրել էր 10 հայ զինծառայողների, որոնք գերեվարվել էին նոյեմբերի 16–ին տեղի ունեցած սահմանային բախումների ժամանակ։
Տաթև Ֆռանգյան
