17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ԵՊՀ ռեկտոր ընտրվեց ներկայիս պաշտոնակատար Հովհաննես Հովհաննիսյանը․ ՏԵՍԱՆՅՈՒԹ
Հասարակություն
17.12.2021 | 13:52
Երևանի պետական համալսարանի հոգաբարձուների խորհրդի նիստում ռեկտոր ընտրվեց միակ թեկնածուն՝ աստվածաբան Հովհաննես Հովհաննիսյանը, ով ԵՊՀ ռեկտորի ժամանակավոր պաշտոնակատարն էր: Նա ռեկտոր է ընտրվել 12 կողմ, 3 անվավեր, 5 դեմ ձայներով՝ 5 տարով:
Հովհաննես Հովհաննիսյանը լրագրողների հետ զրույցում նշեց, որ Հոգաբարձուների խորհրդի նիստը փակ էր՝ ըստ կանոնակարգի, ներկա էին միայն ԵՊՀ հոգաբարձուները: Նա ընդգծեց, որ ներկա չի եղել քվեարկությանը, քանի որ դրա իրավունքը չի ունեցել, սակայն վստահեցրեց, որ նիստն անցկացվել է լավ մթնոլորտում, հնչել են տարբեր ելույթներ, հարցեր։
Լրագրողների դիտարկմանը, թե մինչ այս Հովհաննիսյանը հայտնել էր, որ չի հավակնում ռեկտորի պաշտոնը ստանձնելուն, նա պատասխանեց, որ այդ մասին 2 տարի առաջ է ասել, դրանից հետո պլաններ են փոխվել։
Նորընտիր ռեկտորն ասաց, որ իր գործունեության 4 ամսվա ընթացքում, երբ պաշտոնակատար է եղել, ապացուցել է, որ աշխատել է հօգուտ ԵՊՀ–ի և պրոֆեսորադասախոսական անձնակազմի և ուսանողության։
Մանրամասները՝ տեսանյութում:
