18.01.2026 | 15:30
Իլոն Մասկը հայց է ներկայացրել OpenAI-ի և Microsoft-ի դեմ՝ պահանջելով մինչև 134 միլիարդ դոլարի փոխհատուցում
Ադրբեջանը ՄԻԵԴ որոշումների ժամկետները հետևողականորեն խախտում է. Եղիշե Կիրակոսյան․ ՏԵՍԱՆՅՈՒԹ
Քաղաքականություն
16.12.2021 | 13:36
ԱԺ արտահերթ նիստում «Մարդու իրավունքների եվրոպական դատարանում Հայաստանի Հանրապետության ներկայացուցչի մասին» օրենքում փոփոխություններ և լրացումներ կատարելու մասին նախագծի քննարկման ժամանակ դիմելով հիմնական զեկուցող` ՀՀ վարչապետի աշխատակազմի Մարդու իրավունքների եվրոպական դատարանում Հայաստանի Հանրապետության ներկայացուցիչ Եղիշե Կիրակոսյանին՝ «Հայաստան» խմբակցության պատգամավոր Արծվիկ Մինասյանը հետաքրքրվեց, թե գերիների և բռնի անհետացած ՀՀ քաղաքացիների վերաբերյալ ընթացող գործընթացների հետ կապված ինչ իրավիճակ է:
«Այս պահին Եվրոպական դատարանում մի քանի պրոցեսներ են ընթանում գերեվարված անձանց և անհետ կորած քաղաքացիների հարցերով: Ներկայացրել ենք Ադրբեջանի նկատմամբ միջանկյալ միջոցներ կիրառելու բազմաթիվ դիմումներ, որոնք վերաբերում են գերեվարված անձանց իրավունքների երաշխավորմանը: Այս գործընթացներով Ադրբեջանի վարքագիծը, շատ կանխատեսելի, հակասում է դատարանի որոշումներին, Ադրբեջանը ՄԻԵԴ որոշումների ժամկետները հետևողականորեն խախտում է, հետևողականորեն ավելի քիչ տեղեկատվություն է տրամադրում: ՄԱԿ-ի արդարադատության միջազգային դատարանում ևս ընթացող պրոցես կա, որի հետ կապված ևս ունենք լրացուցիչ որոշում»,- նշեց Կիրակոսյանը:
Նրա խոսքով՝ միջազգային իրավական տարբեր մեխանիզմներն օգտագործելով՝ պետք է ավելացվի ճնշումը:
Մանրամասները՝ տեսանյութում:
