16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ինչու է Հայկ Մարությանին պաշտոնանկ անելու գործընթաց սկսվել. ավագանու «Իմ քայլը» խմբակցության ղեկավարի պարզաբանումը
Քաղաքականություն
15.12.2021 | 21:23
Ինչպես արդեն տեղեկացրել ենք՝ Երևանի ավագանու «Իմ քայլը» խմբակցությունում քաղաքապետ Հայկ Մարությանին անվստահություն հայտնելու եղանակով պաշտոնանկ անելու գործընթաց է սկսվել։ Թե ո՞րն է նման գործընթաց սկսելու պատճառը՝ Երևանի ավագանու «Իմ քայլը» խմբակցության ղեկավար Արմեն Գալջյանը Factor.am-ի հետ զրույցում մանրամասներ չհայտնեց։ Միայն ասաց, որ դեռ պատճառների մասին բարձրաձայնելու ժամանակը չէ։
«Երբ որ ժամանակը գա, այդ մասին պաշտոնապես կհայտարարվի, այլ մեկնաբանություն տալ չեմ կարող»,- ասաց խմբակցության ղեկավարը՝ այնուամենայնիվ, հավելելով․ «Կան քաղաքական խնդիրներ՝ կապված քաղաքական կուրսի հետ»:
«Իմ քայլը» խմբակցության ղեկավարը չցանկացավ առավել հստակեցնել և շարունակել հնչեցրած միտքը։ Հարցին ի պատասխան՝ ինքը միացե՞լ է քաղաքապետին անվստահություն հայտնելու գործընթացին՝ ավագանու ղեկավարը կրկին հորդորեց պաշտոնական հայտարարությանը սպասել։
Նշենք, որ նախնական տվյալներով՝ ավագանու «Իմ քայլը» խմբակցության 60 անդամներից 48-ն են Հայկ Մարությանին անվստահություն հայտնելու գործընթացին միացել՝ հավաքելով անհրաժեշտ ստորագրությունները։
Արփի Հակոբյան
