24.11.2024 | 12:41
Օտարերկրյա ԶԼՄ-ներում շարունակում են զետեղվել սպառազինության ձեռքբերման մասին կեղծ հրապարակումներ․ ՊՆ
Բլինքենը ողջունել է Հայաստանի և Թուրքիայի՝ փոխադարձ հատուկ ներկայացուցիչներ նշանակելու քայլը
Քաղաքականություն
15.12.2021 | 12:53
ԱՄՆ պետքարտուղար Էնթոնի Բլինքենն անդրադարձել է Հայաստանի և Թուրքիայի միջև հարաբերությունների կարգավորմանն ուղղված քայլերին։
«Մենք ողջունում և վճռական կերպով աջակցում ենք Թուրքիայի ԱԳ նախարար Մևլութ Չավուշօղլուի և Հայաստանի ԱԳՆ-ի հայտարարությունները՝ կարգավորման գործընթացը քննարկելու համար հատուկ բանագնացներ նշանակելու մասին»,- թվիթերյան իր էջում գրել է Բլինքենը։
Հիշեցնենք՝ Թուրքիայի ԱԳ նախարար Մևլութ Չավուշօղլուն հայտարարել էր Երևանի հետ հարաբերությունների կարգավորման համար փոխադարձաբար հատուկ ներկայացուցիչներ նշանակելու մասին։
ՀՀ ԱԳՆ-ն արձագանքել էր Թուրքիայի հետ հարաբերությունների կարգավորման խնդրին։ Նախարարության մամուլի ծառայությունը հրապարակել էր խոսնակ Վահան Հունանյանի մեկնաբանությունը։
«Հայաստանը, ինչպես մշտապես նախկինում, այնպես էլ այժմ, պատրաստ է Թուրքիայի հետ առանց նախապայմանների հարաբերությունների կարգավորմանն ուղղված գործընթացին, ինչն արձանագրված է ՀՀ կառավարության ծրագրում։ Այս առումով դրական ենք գնահատում Թուրքիայի ԱԳ նախարարի` հարաբերությունների կարգավորման նպատակով հատուկ ներկայացուցիչ նշանակելու մասին հայտարարությունը, և հաստատում, որ հայկական կողմը ևս երկխոսության համար հատուկ ներկայացուցիչ կնշանակի»,- նշել էր նա։
Էմմա Չոբանյան
