19.11.2024 | 22:38
Ադրբեջանի ԳՇ պետը Պակիստանում նոր զինատեսակների է ծանոթացել
Ռոբերտ Քոչարյանի հետ քննարկել ենք Ալեն Սիմոնյանի հրաժարականի հարցը. Արծվիկ Մինասյան․ ՏԵՍԱՆՅՈՒԹ
Քաղաքականություն
13.12.2021 | 11:25
Ալեն Սիմոնյանի պաշտոնանկության պահանջի հարցը քննարկվել է «Հայաստան» դաշինքի ղեկավար Ռոբերտ Քոչարյանի հետ։ Այս մասին ԱԺ ճեպազրույցի ժամանակ հայտարարեց Ազգային ժողովի «Հայաստան» խմբակցության քարտուղար Արծվիկ Մինասյանը:
Ընդդիմադիր պատգամավորի դիտարկմամբ՝ այս առաջարկը կրում է իրավաքաղաքական գնահատականի բնույթ. «Սրանով մեր խմբակցությունը և «Հայաստան» դաշինքն առհասարակ ցուցաբերում են վերաբերմունք ԱԺ նախագահի պաշտոնը զբաղեցնող մի անձի նկատմամբ, ով նշված հիմնավորումների ներքո պարզապես չի կարող մեր պատկերացրած չափանիշներին համապատասխան իրականացնել ԱԺ նախագահի պարտականությունները:
Երկրորդ՝ ինչպես ցանկացած կարևորագույն հարց, այս հարցը քննարկման առարկա է դարձել դաշինքում: Մեր բոլոր քննարկումներում, այդ թվում նաև երկրորդ նախագահի մասնակցությամբ, որպես ընդլայնված կազմով քննարկում, տիրում են ժողովրդավարության ամենաբարձր չափանիշները»:
Անդրադառնալով հարցին, թե ով է լինելու Ազգային ժողովի նախագահի պաշտոնում ընդդիմության թեկնածուն, Մինասյանը պատասխանեց, որ թեկնածուն լինելու է ընդդիմադիր երկու խմբակցություններից մեկից. «Հարցը քննարկվել է «Պատիվ ունեմ» խմբակցության հետ , ես կարծում եմ՝ առաջիկայում «Պատիվ ունեմ»-ը հայտարարությամբ հանդես կգա»:
Մանրամասները՝ տեսանյութում:
