15.09.2026 | 22:23
Ֆուտզալի Հայաստանի հավաքականը ոչ-ոքի խաղաց Մոլդովայի հետ
Ընդդիմադիր երեք պատգամավորներն այս ընթացքում կալանքի տակ ապօրինի՛ չեն եղել. Արուսյակ Ջուլհակյան․ ՏԵՍԱՆՅՈՒԹ
Քաղաքականություն
10.12.2021 | 17:30
Սահմանադրական դատարանը հրապարակեց որոշման եզրափակիչ մասը, ըստ որի՝ հակասահմանադրական ճանաչվեց այն հոդվածը, որով կալանավորվել էին «Հայաստան» դաշինքի մի քանի պատգամավորներ: Factor.am-ի հետ զրույցում անդրադառնալով այս դիտարկմանը՝ «Քաղաքացիական պայմանագիր խմբակցության պատգամավոր Արուսյակ Ջուլհակյանը հստակեցրեց, որ ՍԴ-ն հակասահմանադրական չի ճանաչել վիճարկվող հոդվածը, այլ փաստել է, որ հոդվածը համապատասխանում է Սահմանադրությանը, միևնույն ժամանակ մեկնաբանություն է տվել այդ հոդվածների կիրառման առումով:
«Մենք գիտենք, որ հոդվածները կարող են ոչ միատեսակ մեկնաբանվել իրավակիրառների կողմից, և երբեմն անհրաժեշտություն է առաջանում, որ ՍԴ-ն մեկնաբանություն տա այս կամ այն օրենսդրական դրույթին… Ես ծանոթ չեմ այս դատավարության մանրամասներին և ընդդիմադիր գործընկերների դիմումին: Դեռևս չեմ հասցրել ծանոթանալ նաև ՍԴ որոշման պատճառաբանական հատվածին»:
Արուսյակ Ջուլհակյանը նաև ընդգծեց, որ ընդդիմադիր երեք պատգամավորների նկատմամբ երբ որ քրեական հետապնդում է սկսվել, նրանք պատգամավորի կարգավիճակ չեն ունեցել. «Նրանք այս ընթացքում կալանքի տակ ապօրինի՛ չեն եղել»:
Մանրամասները՝ տեսանյութում:
