27.10.2026 | 00:08
Վարդան Մինասյանն աշխատանքի է անցել Լիբանանում
ԱԺ-ն ընդունեց անհայտ աղբյուրին հղում տալու համար ԶԼՄ-ներին պատասխանատվության ենթարկելու նախագիծը․ ՏԵՍԱՆՅՈՒԹ
Քաղաքականություն
10.12.2021 | 12:13
Ազգային ժողովը երկրորդ ընթերցմամբ և ամբողջությամբ ընդունեց ՔՊ-ի հեղինակած ԶԼՄ-ների մասին օրենքում լրացումներ և փոփոխություններ կատարելու մասին նախագիծը: Նախագծի հեղինակներ են ՔՊ-ական պատգամավորներ Արթուր Հովհաննիսյանը, Վահագն Հովակիմյանը, Թագուհի Ղազարյանը, Սարգիս Խանդանյանը:
Նախագծի համաձայն՝ լրատվամիջոցները պատասխանատվության կենթարկվեն՝ ֆեյքերին հղում անելու դեպքում։ Նախագծով առաջարկվում է սահմանել չնույնականացված աղբյուր՝ համացանցում գրանցված դոմեյն, հոսթինգ ունեցող կայք կամ համացանցային կայքի կամ հավելվածի օգտահաշիվ կամ ալիք կամ էջ, որի տնօրինողի նույնականացման տվյալները բացակայում են, կամ ակնհայտ կեղծ են կամ թերի են, եթե այդ թերությունը թույլ չի տալիս նույնականացնել աղբյուրը տնօրինողին:
Նախագծով փոփոխություններ են իրականացվել նաև լրագրողների հավատարմագրման կարգի մասին դրույթում և սահմանվել է, որ եթե լրատվամիջոցը չի ներկայացնում ֆինանսական հաշվետվություն և չի ներկայացրել այն նույնականացման տվյալները, որոնք սահմանվում են օրենքում, ապա տվյալ լրատվամիջոցի հավատարմագրման մասին դիմումը ենթակա է մերժման:
Մանրամասները՝ տեսանյութում:
