16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ՏԱՐԱԿԱՐԾԻՔ. Խոստացված ներդրումները կհասնե՞ն Հայաստան, թե՞ վարչապետի անորոշ քաղաքական ապագան կխանգարի
Հաղորդաշարեր
19.06.2017 | 15:00
Հայաստանի վարչապետ Կարեն Կարապետյանի և «Տաշիր» ընկերությունների խմբի նախագահ Սամվել Կարապետյանի նախաձեռնությամբ խորհրդարանական ընտրություններին ընդառաջ հայտարարվեց Ռուսաստանի Դաշնության հայկական սփյուռքի 3 տասնյակից ավելի գործարարների մասնակցությամբ «Հայաստանի ներդրողների ակումբ» հիմնելու մասին:
Վարչապետ Կարապետյանը ակումբի պաշտոնական մեկնարկի օրը հայտարարել էր՝ նպատակ ունեն ներդրումների ներգրավմամբ երկարատև բիզնես ծրագրեր իրականացնել: Միայն 2017 թվականին «Հայաստանի ներդրողների ակումբը» նախատեսում է Հայաստանում իրականացնել 300 մլն դոլարի ներդրումային ծրագրեր:
Հիշեցնենք՝ Կարեն Կարապետյանի՝ Երևանի քաղաքապետ աշխատելու ընթացքում ևս «Տաշիր գրուպ» ընկերության նախագահ Սամվել Կարապետյանի հետ համագործակցության նմանատիպ մի համաձայնագիր ստորագրվեց, սակայն նախատեսված ներդրումային ծրագրերն այդպես էլ իրականություն չդարձան՝ Կարապետյանի հրաժարականի պատճառով:
Որքանով նորաստեղծ ակումբը գրավիչ և վստահելի կլինի նեդրողների համար, եթե նկատի ունենանք այն հանգամանքը, որ ակումբի հիմնադիր Կարեն Կարապետյանի քաղաքական ապագան անորոշ է, և հայտնի չէ, թե 2018 թվականին վարչապետը որտեղ է լինելու և ինչ կարգավիճակում:
Թեմայի շուրջ Factor.am-ը զրուցել է Հանրապետական խմբակցության պատգամավոր Խոսրով Հարությունյանի և Ազգային ժողովի նախկին պատգամավոր, ՀԱԿ անդամ Արամ Մանուկյանի հետ:
Շողիկ Գալստյան
