14.01.2026 | 15:21
Եվրո-2026․ Ինչպես ձեռք բերել ֆուտզալի Հայաստանի հավաքականի խաղերի տոմսեր
«Կառավարության ծրագիրը հարմարեցրել են Սերժ Սարգսյանի ելույթին»․ տնտեսական մեկնաբան
Տնտեսություն
17.06.2017 | 14:32
Առաջիկա օրերին գործադիրի կողմից խորհրդարանում կներկայացվի նորընտիր կառավարության ծրագիրը։ Մինչ այդ, սակայն, հունիսի 15-ին, ՀՀԿ գործադիր մարմնի նիստից հետո կուսակցության խոսնակը տեղեկացրել է՝ նոր ծրագրով սպասվում է 5 տոկոս տնտեսական աճ, գործազրկության 12 տոկոսով նվազում և նվազագույն աշխատավարձի 25 տոկոսով աճ՝ առաջիկա 5 տարիների ընթացքում։
«Տարեկան 5 տոկոս աճի ցուցանիշը սպասելի էր, որովհետև հանրապետության նախագահը խորհրդարանում ծրագրի ուղենիշը տվեց»,- Factor.am-ի հետ զրույցում ասաց տնտեսական մեկնաբան Բաբկեն Թունյանը։
Անդրադառնալով սպասվող տնտեսական աճի իրատեսական լինելուն, մեկնաբանը նկատեց, որ 5 տոկոսն այնքան էլ բարձր ցուցանիշ չէ, որ իրատեսական չլինի․ «Մի բան էլ համեստ ցուցանիշ է, հինգ տոկոս աճով մենք դեռ մի քանի տասնամյակ հետո կփորձենք հավասարվել զարգացող երկրների ծրագրերին»։
Ըստ Թունյանի՝ այլ խնդիր է, որ այդ ցուցանիշները բավարար չեն, ինչը, ըստ մեր զրուցակցի, գիտակցում են նաև իշխող ՀՀԿ-ում։
«Մեզ առնվազն երկնիշ տնտեսական աճ է հարկավոր, ինչը հնարավոր է ապահովել, դրա համար երկրում արմատական փոփոխություններ են պետք»,- ասաց նա։
Առավել մանրամասն՝ տեսանյութով։
Սեդա Ղուկասյան
