22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
21-րդ դարում հարաբերական է անվտանգություն բառը. Դավիթ Դանիելյանը՝ Սյունիքի մասին․ ՏԵՍԱՆՅՈՒԹ
Քաղաքականություն
07.12.2021 | 14:05
«Դա նշանակում է, որ Հայաստանում կա ժողովրդավարություն»,- այս մասին Factor.am-ի հետ զրույցում նշեց «Քաղաքացիական պայմանագիր» խմբակցութան պատգամավոր Դավիթ Դանիելյանը՝ անդրադառնալով դիտարկմանը, որ մի շարք խոշոր համայնքներում կազմակերպված ՏԻՄընտրություններում իշխանական թեկնածուները պարտություն կրեցին:
«Կարծում եմ ՏԻՄ ընտրություններում քաղաքացիները բացառապես ընտրում են համայնքապետի թեկնածուներին և այնքան էլ հաշվի չեն առնում, թե որ քաղաքական ուժի կողմից են նրանք առաջադրված»,- նշեց պատգամավորը:
Անդրադառնալով դիտարկմանը, որ Սյունիքի մարզը խնդրահարույց է դարձել՝ հաշվի առնելով, որ սահմանային անվտանգությունից բխող մի շարք խնդիրներ են առաջացել, պատգամավորը նշեց, որ զուգահեռաբար և՛ բանակն է կարգի բերվում, և՛ այլընտրանքային ճանապարհներ են կառուցվում: «Խնդիրները շատ են, փորձում ենք լուծումներ տալ, շատ ծրագրեր են իրականացվում Սյունիքի մարզում… Մեր քաղաքացիները հասկանում են, որ արտաքին մարտահրավերների հետևանքով հնարավոր է որոշակի լարվածություն լինի սահմանին»:
Հարցին, թե սյունեցին հիմա անվտանգ է ապրում, Դանիելյանը պատասխանեց. «21-րդ դարում հարաբերական է անվտանգություն բառը, սակայն ՀՀ իշխանությունը, բանակը ԱԱԾ-ն ամեն ինչ անում են, որ սյունեցիները հնարավորինս անվտանգ ապրեն»:
Մանրամասները՝ տեսանյութում:
