14.01.2026 | 17:30
«Անակնկալի եկանք»․ Վագիֆ Խաչատրյանի դուստրը Երևան է ուղևորվում
Հաագայի դատարանն այսօր կհրապարակի Հայաստանի և Ադրբեջանի՝ միմյանց դեմ հայցերով հրատապ միջոց կիրառելու որոշումները
Քաղաքականություն
07.12.2021 | 11:05
Հաագայի ՄԱԿ-ի արդարադատության միջազգային դատարանն այսօր կհրապարակի Հայաստանի և Ադրբեջանի՝ միմյանց դեմ հայցերով հրատապ միջոց կիրառելու որոշումները։ Երկու երկրները միմյանց մեղադրում են Ռասայական խտրականության բոլոր ձևերի վերացման մասին միջազգային կոնվենցիան (ICERD) խախտելու մեջ և միջնորդել են շտապ քայլեր ձեռնարկել, գրում է BBC-ի ռուսական ծառայությունը:
Երևանը հոկտեմբերին հայց էր ներկայացրել Բաքվի դեմ՝ Ռասայական խտրականության մասին միջազգային կոնվենցիայի վեց հոդվածները խախտելու մեղադրանքով։ Հայկական կողմը ապացույցներ է ներկայացրել Ադրբեջանում հայ գերիների և պահվող այլ անձանց նկատմամբ խոշտանգումներ և նվաստացումներ իրականացնելու փաստերի վերաբերյալ։
Հայաստանը ՄԱԿ-ի դատարանին խնդրել է նաև մինչև բուն գործով վճիռ կայացնելը միջանկյալ միջոցներ կիրառել՝ Ադրբեջանին պարտավորեցնելով առաջին հերթին ազատ արձակել հայ ռազմագերիներին ու փակել Բաքվի «ռազմավարի պուրակը»։
Բաքուն հակընդդեմ հայց է ներկայացրել, որում նմանատիպ մեղադրանքներ կան հայկական կողմի հասցեին։
Տաթև Ֆռանգյան
