16.05.2026 | 09:51
«Բավարիան» նոր պայմանագիր է կնքել Մանուել Նոյերի հետ․ ՏԵՍԱՆՅՈՒԹ
Տասնյակ դիմակավորված ոստիկաններ բերման են ենթարկել ԲՀԿ-ական նախկին պատգամավորին, ժամեր անց՝ բաց թողել
Հասարակություն
06.12.2021 | 22:59
Նախորդ շաբաթ Երևանի իր բնակարանից բերման է ենթարկվել ԱԺ «Բարգավաճ Հայաստան» խմբակցության նախկին պատգամավոր Արթուր Մանուկյանը: Factor.am-ի տեղեկություններով՝ ոստիկանության դիմակավորված մեծաթիվ ծառայողներ են այցելել Արթուր Մանուկյանին: Մեզ հետ զրույցում Արթուր Մանուկյանը չհերքեց տեղեկությունը, սակայն պատճառների մասին ոչինչ չասաց:
«Կարծում եմ՝ շփոթմունք է եղել, ինձ հետ նման դեպք առաջին անգամ է լինում: Մնացածը կարող եք իրավապահներից ճշտել»,- ասաց Արթուր Մանուկյանը՝ չհերքելով նաև դիմակավորված մեծաթիվ ոստիկանների մասին տեղեկությունները:
Մեր հստակեցնող հարցերին ի պատասխան՝ Արթուր Մանուկյանը հավաստիացրեց, որ որևէ քրգործով չի անցնում:
Ոստիկանության հասարակայնության հետ կապի և լրատվության վարչությունից նշեցին, որ Արթուր Մանուկյանը բերման է ենթարկվել քրգործի շրջանակում:
«Արթուր Մանուկյանը բերման ենթարկվել է հարուցված քրեական գործի շրջանակում: Նա բերման է ենթարկվել ոստիկանության Կենտրոնի բաժին, գործողություն իրականացնելուց հետո ազատ է արձակվել»,- փոխանցեցին իրավապահ կառույցից:
Հարցին՝ ի՞նչ քրգործի շրջանակում է Արթուր Մանուկյանը բերման ենթարկվել, ոստիկանությունից պատասխանեցին միայն․ «Կոնկրետ քրեական գործի շրջանակում»:
Նշենք, որ Արթուր Մանուկյանը ԲՀԿ-ական նախկին պատգամավոր Աբրահամ Մանուկյանի որդին է և Երևանի նախկին ոստիկանապետ Ներսիկ Նազարյանի փեսան:
Նարեկ Կիրակոսյան
