16.05.2026 | 10:16
Հրդեհ Ստեփանավան քաղաքում
Վլադիմիր Գասպարյանի և նրա ընտանիքի անդամների ապօրինի ծագում ունեցող գույքի բռնագանձման պահանջով հայցը դատարանում է
Հասարակություն
06.12.2021 | 16:31
ՀՀ գլխավոր դատախազությունը հայցադիմում է ներկայացրել Քաղաքացիական դատարան՝ ՀՀ ոստիկանության նախկին պետ Վլադիմիր Գասպարյանի և նրա ընտանիքի անդամների ապօրինի ծագում ունեցող գույքի բռնագանձման պահանջով։ Այս մասին Factor.am-ը տեղեկանում է «Դատալեքս» դատական տեղեկատվական համակարգից։
Հունիսին դատախազությունը Գասպարյանի ու նրա ընտանիքի գույքի հետ կապված ուսումնասիրություն էր իրականացրել, ապա վերջիններիս հրավիրել՝ բացատրություններ ներկայացնելու, իսկ արդեն հուլիսի 1-ին հայտնի դարձավ, որ Գասպարյանի գույքի վրա արգելանք է դրվել։
Գործով պատասխանող կողմ են ներկայացվել Վլադիմիր Գասպարյանը, նրա կինը՝ Սուսաննա Գասպարյանը, մայրը՝ Անժելա Գասպարյանը, որդին՝ Վլադիմիր Գասպարյանը, դուստրը՝ Անգելինա Գասպարյանը և Հեղուշ Գալստյանը։
Հայցվոր կողմ է հանդիսանում ՀՀ գլխավոր դատախազության ապօրինի ծագում ունեցող գույքի բռնագանձման վարչության դատախազ Տիգրան Դավթյանը։ Հայցադիմումը մակագրվել է Երևանի ընդհանուր իրավասության դատարանի դատավոր Հայարփի Զարգարյանին։
Ռոզա Վարդանյան
