29.06.2026 | 11:15
Փոփոխություններ Արցախից տեղահանված ընտանիքների բնակապահովման պետական աջակցության ծրագրում. ՈՒՂԻՂ
Օպերատիվ իրավիճակը հանրապետությունում դեկտեմբերի 2-ից 3-ը
Հասարակություն
03.12.2021 | 13:07
Ըստ ոստիկանության օպերատիվ հաղորդագրությունների ամփոփագրերի` դեկտեմբերի 2-ից 3-ը Հայաստանի Հանրապետության ոստիկանության ստորաբաժանումները բացահայտել են հանցագործության 59 դեպք, որից 4-ը՝ նախկինում կատարված. տեղեկացնում են ՀՀ ոստիկանությունից:
Մասնավորապես՝ անձնական ունեցվածքի գողության՝ 23, մարմնական վնասվածք պատճառելու՝ 8, խարդախության և ընտանեկան բռնության՝ 3-ական, կողոպուտի, հարկերից խուսափելու, թմրամիջոցի հայտնաբերման ու պաշտոնեական լիազորությունները անցնելու՝ 2-ական, յուրացնելու կամ վատնելու, գույքը դիտավորությամբ վնասելու, համակարգչային հանցագործության, խուլիգանության, կաշառակերության, պաշտոնեական լիազորությունները չարաշահելու, ծանր վիրավորանքի, աշխատանքի պաշտպանության կանոնները խախտելու, սպանության սպառնալիքի, թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառության ու իրացնելու կամ պատրաստելու նպատակով կամ դրանք ապօրինի իրացնելու՝ 1-ական դեպք։
Հայտնաբերվել է 7 հետախուզվող։ Կամավոր ներկայացել է 2 հետախուզվող։
Նախկինում կատարված հանցագործություններից բացահայտվել է անձնական ունեցվածքի գողության 4 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 24 պատահար. 1 մարդ զոհվել է, 36-ը՝ ստացել տարբեր աստիճանի մարմնական վնասվածքներ:
