22.04.2026 | 11:36
Թրամփը հայտարարել է, թե Հորմուզի նեղուցի շրջափակման վերացումը վերջ կդնի գործարքի հնարավորություններին
Հիմա քննարկվում են երթուղիները. ՏԿԵ փոխնախարարը՝ ապաշրջափակման մասին. ՏԵՍԱՆՅՈՒԹ
Քաղաքականություն
03.12.2021 | 11:55
Այս պահին քննարկվում է միայն ճանապարհների ապաշրջափակման հարցը` որևէ այլ բան չի քննարկվել և չի քննարկվելու ՀՀ-ի կողմից։ Այս մասին ԱԺ-ում լրագրողների հետ զրույցում հայտնեց ՏԿԵ փոխնախարար Արմեն Սիմոնյանը։
Անդրադառնալով դիտակմանը, որ լուրեր են շրջանառվում, որ Ադրբեջանն արդեն դեպի Նախիջևան գնացող երկաթգիծ է կառուցում, Սիմոնյանն արձագանքեց` նման տեղեկատվություն չունի։
«Ճանապարհների ապաշրջափակման հարցով այս փուլում քննարկվում են երթուղիները, սահմանով անցնելու գործընթացները, սակայն որևէ հստակություն դեռ չկա»,- նշեց Սիմոնյանը: Նա հիշեցրեց, որ ճանապարհների ապաշրջափակման համար փոխվարչապետների մակարդակով ստեղծվել է եռակողմ աշխատանքային խումբ, որն էլ ուսումնասիրում է տարբեր երթուղիներ։
«Այս տարվա հունվարի 11-ի հայտարարության համաձայն՝ որպես առաջնահերթություն դիտարկվում են երկաթուղային և ավտոմոբիլային ճանապարհները։ Երկաթուղու դեպքում ամեն ինչ պարզ է, թե ինչ ուղղություններ կունենանք. Ադրբեջանի հետ ունենք Երասխից, Հրազդանից, հարավային հատվածից` Մեղրիից անցնող ուղղություններ։ Եվս մեկ երկաթուղային ուղղություն էլ դեպի Թուրքիա կգնա»,- նշեց փոխնախարարը` հավելելով, որ խոսքը տարանցիկ փոխադրումների մասին է, այսինքն` Ադրբեջանի տարածքով երկաթուղային և ավտոմոբիլային կապ ենք ունենալու Հայաստանի ռազմավարական գործընկեր ՌԴ-ի հետ։
Սիմոնյանը հավելեց, որ բացի դրանից՝ Նախիջևանի տարածքով կապ կունենանք Իրանի հետ։
Մանրամասները՝ տեսանյութում:
