14.01.2026 | 17:15
Նախիջևանում վերակառուցվում են երկաթուղային կայարանները
Ռեստորաններում QR կոդ չպահանջելու դեպքում սանկցիաներ կկիրառվեն. Անահիտ Ավանեսյան․ ՏԵՍԱՆՅՈՒԹ
02.12.2021 | 13:19
Վիճակագրական ծառայությունն ամփոփում է մեր երկրում գեներացվող բոլոր տեղեկատվական աղբյուրներից ինֆորմացիան և Հայաստանում իրավիճակի մասին թափանցիկ կերպով տվյալներ տալիս։ Այս մասին կառավարությունում լրագրողների հետ զրույցում նշեց ՀՀ առողջապահության նախարար Անահիտ Ավանեսյանը՝ անդրադառնալով ԱՎԾ-ում և ԱՆ-ում քովիդից մահվան թվերի անհամապատասխանությանը։
««Արմեդ» համակարգը ժամանակի ընթացքում, երբ ընդլայնել է իր տեղեկատվական շտեմարանի բովանդակությունը, ինչ-որ պահի ինֆորմացիայի կորուստ է եղել, բայց դա չի նշանակում, որ այն ինչ-որ առումով թաքցվել է կամ չի մտել մեր երկրում արձանագրված տվյալների մեջ»,- նշեց Ավանեսյանը։
Անդրադառնալով դիտարկմանը, որ կորոնավիրուսով պայմանավորված մի շարք սահմանափակումներ, այդ թվում գործատուին պատվաստման սերտիֆիկատ կամ ՊՇՌ թեստի բացասական արդյունք ներկայացնելը չի վերաբերում պաշտոնյաներին, Անահիտ Ավանեսյանը նշեց՝ որևէ իրավական ակտի շրջանակներն անպայման չէ, որ ներառեն հասարակության բոլոր անդամներին, ինչը, սակայն, չի նշանակում, որ հասարակության որևէ շերտ դուրս է մնում կարգավորման շրջանակից։
«Կառավարման մարմինների բարձրաստիճան պաշտոնյաները մինչև կանոնների սահմանումը՝ բոլորը պատվաստվել են և այստեղ որևէ հավասարության կամ կանոնից շեղում չկա։ Հանրային ծառայությունների մասին օրենքն ունի կարգավորման կոնկրետ շրջանակ և չի կարող այդ շրջանակից դուրս կարգավորումներ իրականացնել։ Եթե չպատվաստվելու խնդիր ունենայինք, ապա ոչ հանրային ծառայությունների մասին օրենքով, բայց այլ կարգավորման շրջանակներով նրանց վարքագիծը ևս կկարգավորվեր»,-նշեց նախարարը։
Ավանեսյանն անդրադառնալով հունվարի 1-ից նախատեսվող սահմանափակումներին՝ նշեց. «Սահմանված կանոնները պետք է հստակորեն պահպանվեն: Ռեստորաններում QR կոդ չպահանջելու դեպքում սանկցիաներ կկիրառվեն»:
Մանրամասները՝ տեսանյութում:
