Համաձայնագրի մեջ խոսք չկա, այսպես կոչված, «միջանցքի» մասին․ ԵՄ գործադիր տնօրենի տեղակալ․ ՏԵՍԱՆՅՈՒԹ

Եվրամիության արտաքին քաղաքական գերատեսչության ներկայացուցիչ Լյուկ Դիվինը հայտարարել է, որ հայ-ադրբեջանական սահմանին գրանցված միջադեպերն անհանստացնող են։ Նա շեշտել է, որ միջադեպերը գրանցվել են ոչ թե Լեռնային Ղարաբաղում, այլ ՀՀ միջազգայնորեն ճանաչված սահմանին։

«Նոյեմբերի կեսերին միջազգայնորեն ճանաչված սահմաններին գրանցված բախումները, որոնք նաև հանգեցրել են զոհերի, անհանգստացնող է։ ԵՄ ինստիտուտները համապատասխան արձագանք են տվել։ Ի նկատի ունեմ, որ նախագահ Միշելը բախումներից մեկ օր անց հեռախոսազրույց է ունեցել ինչպես Հայաստանի, այնպես էլ Ադրբեջանի ղեկավարների հետ` պահանջելով դադարեցնել կրակը»,- Եվրախորհրդարանում Արցախյան 44-օրյա պատերազմի և դրանից հետո ստեղղծված իրավիճակի թեմայով կարծիքների փոխանակման ժամանակ հայտնել է ԵՄ քաղաքական գերատեսչության ներկայացուցիչը։

Նա նաև նշել է, որ նոյեմբերի 17-ից հետո իրավիճակը կայունացել է այն առումով, որ չկան կրակոցներ ու զոհեր, սակայն իրավիճակը չափազանց լարված է մնում։

Անդրադառնալով «միջանցքի» վերաբերյալ Բաքվից հնչող պնդումներին՝ Եվրամիության արտգործնախարարության ներկայացուցիչը ընթերցել է նոյեմբերի 9-ի հայտարարությունը՝ փաստելով, որ այնտեղ խոսվում է ոչ թե միջանցքի, այլ տնտեսական հաղորդակցությունների ապաշրջափակման մասին։ Վերջինը նշել է, որ «միջանցքն» ընդունելի չէ Հայաստանի կողմից, քանի որ Հայաստանը կորցնում է այդ ճանապարհի վրա վերահսկողությունը, որը պետք է միացնի Ադրբեջանը Նախիջևանին, իսկ հետագայում՝ նաև Թուրքիային։

Անդրադառնալով Ադրբեջանի այն հայտարարություններին, թե ԼՂ հակամարտությունն այլևս կարգավորված է, Լյուկ Դևինը նշել է․ «Չնայած Ադրբեջանը հայտարարում է, որ հակամարտությունը լուծված է, սակայն վերջին բախումները հակառակը ցույց տվեցին»։

Մանրամասները՝ տեսանյութում։