Քաղաքականություն
30.11.2021 | 17:53
Թուրքիայի օդերևութաբանական ծառայությունը հայտարարել է երկրի 81 նահանգներից 67-ում վտանգավորության բարձր մակարդակի մասին՝ հորդառատ անձրևների ու փոթորկոտ քամիների պատճառով, գրում է «Ինտերֆաքս»-ը։
Հաղորդվում է, որ փոթորկի հետևանքով զոհերի թիվը ասել է 7-ի։
Ուժեղ քամի է սպասվում Սև, Էգեյան և Միջերկրական ծովերի շրջաններում։ Օդերևութաբանները զգուշացնում են քամու հետևանքով տանիքներ քշելու, ծառերի տապալման և այլ վտանգների մասին։ Կանխատեսումների համաձայն՝ փոթորկի էպիկենտրոնում գտնվելու են Մարմարի ծովում Մարմարա կղզին, քամու ուժգնությունը կհասնի ժամում 100 կմ-ի։
Թուրքիայի արևմուտքում փոթորկի հետևանքով ամենից շատ տուժել է Ստամբուլը։ Այստեղ դպրոցներում դասերը դադարեցվել են։
Ընդհանուր առմամբ, նշվում է, որ Թուրքիայում ավերիչ փոթորկի հետևանքով նոյեմբերի 29-30-ը զոհվել է 7 մարդ, վիրավորվել՝ 38-ը։
Էմմա Չոբանյան
