08.06.2026 | 21:59
Վստահ եմ, որ Հայաստանի և Իրանի հարաբերությունները նոր շրջանում էլ կշարունակեն ամրապնդվել. Փեզեշքիան
Լավրովը հույս ունի, որ Կիևի ներկայիս ռեժիմը չի գնա «Սաակաշվիլիի ճանապարհով»
Քաղաքականություն
30.11.2021 | 17:09
Ռուսաստանի ԱԳ նախարար Սերգեյ Լավրովը հույս է հայտնել, որ Կիևի ներկայիս ռեժիմը չի գնա Վրաստանի նախկին նախագահ Միխեիլ Սաակաշվիլիի «2008 թվականի մոդելի» ճանապարհով։ Այս մասին հայտարարել է ՌԴ ԱԳ նախարար Սերգեյ Լավրովը, գրում է ՏԱՍՍ-ը։
«Հուսով եմ, որ նույնիսկ Կիևի ներկայիս ռեժիմը չի գնա Միխեիլ Սաակաշվիլիի ճանապարհով՝ 2008 թվականի օգոստոսի օրինակով»,- ասել է նա։
Լավրովը հիշեցրել է, որ 2008 թվականի օգոստոսի 8-ի գիշերը Վրաստանը զինված հարձակում է սկսել Հարավային Օսիայի դեմ, Ռուսաստանը ոտքի է կանգնել՝ պաշտպանելու խաղաղ բնակչությանը և իր խաղաղապահներին, որոնք 1992 թվականից աշխատում էին տարածաշրջանում։ Հնգօրյա պատերազմի արդյունքում զոհվել է ավելի քան հազար մարդ, որից 72-ը՝ ռուս զինծառայող։
Տաթև Ֆռանգյան
