16.01.2025 | 16:54
Ադրբեջանի ՊՆ զորամասերում զինծառայողների հետ հանդիպումների սահմանափակումներ են մտցվել
Իսրայելը զգուշացրել է ԱՄՆ-ին՝ Իրանը պատրաստվում է միջուկային զենք ստանալու համար անհրաժեշտ ուրան արտադրել
Քաղաքականություն
30.11.2021 | 16:10
Իսրայելը վերջին երկու շաբաթվա ընթացքում հետախուզական տեղեկություններ է փոխանցել ԱՄՆ-ի և եվրոպական երկրների իր դաշնակիցներին այն մասին, որ Իրանը տեխնիկական քայլեր է ձեռնարկում՝ ուրանի 90% հարստացմանը նախապատրաստվելու նպատակով, ինչն անհրաժեշտ է միջուկային զենք արտադրելու համար։ Այս մասին Axios-ին հայտնել է իրազեկ երկու աղբյուր։
Տեղեկացվում է, որ 90%-ով ուրանի հարստացումը Իրանին ավելի քան երբևէ կմոտեցնի միջուկային զենք ստանալուն: Իսրայելի նախազգուշացումները հնչել են Վիեննայում միջուկային բանակցությունների վերսկսման շեմին, երբ Իրանը երկուշաբթի օրը վերադարձավ բանակցությունների սեղանի շուրջ հինգ ամսվա ընդմիջումից հետո:
Ամերիկյան և իսրայելական հետախուզության տվյալների համաձայն՝ Իրանը կարող է 1-2 տարվա ընթացքում յուրացնել միջուկային զենքի ստեղծման համար անհրաժեշտ տեխնոլոգիական պահանջները:
Ավելի վաղ հաղորդվում էր, որ Իրանը պատրաստ է ուրանի մինչև 60 տոկոսով հարստացմանը:
Տաթև Ֆռանգյան
