19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Չինաստանը հուսով է, որ Հայաստանն ու Ադրբեջանը տարաձայնությունները կլուծեն երկխոսության միջոցով
Քաղաքականություն
30.11.2021 | 13:55
Չինաստանը ողջունում է Ռուսաստանի ջանքերը, որոնք Մոսկվան գործադրում է տարածաշրջանային խաղաղության և կայունության համար։ Այսպես է Չինաստանի ԱԳՆ պաշտոնական ներկայացուցիչ Չժաո Լիցզյանը մեկնաբանել նոյմեբերի 26-ին Սոչիում կայացած Հայաստանի, ՌԴ-ի և Ադրբեջանի ղեկավարների եռակողմ հանդիպումը, գրում է ՏԱՍՍ գործակալությունը։
«Չինաստանը ողջունում է ջանքերը, որոնք գործադրում է Ռուսաստանը տարածաշրջանային խաղաղության ու անվտանգության ապահովման համար»,- ասել է Լիցզյանը՝ նշելով, որ և՛ Հայաստանը, և՛ Ադրբեջանը Չինաստանի համար բարեկամ գործընկերներ են։
«Չինաստանը հույս ունի, որ երկու կողմերը միմյանց ընդառաջ կգնան, կկարգավորեն տարաձայնությունները երկխոսության ու խորհրդակցությունների միջոցով և միասին կպահպանեն տարածաշրջանային խաղաղությունն ու կայունությունը»,- ասել է Չինաստանի ԱԳՆ ներկայացուցիչը։
Հիշեցնենք, որ նոյեմբերի 26-ին Սոչիում տեղի ունեցան Հայաստանի վարչապետ Նիկոլ Փաշինյանի, ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի եռակողմ բանակցությունները, որոնց արդյունքներով կողմերը համատեղ հայտարարություն ընդունեցին։
Էմմա Չոբանյան
