Քաղաքականություն
30.11.2021 | 13:22«ՀՀ քաղաքացու անձնագրի մասին» և «Նույնականացման քարտերի» մասին օրենքներում փոփոխություններ կատարելու մասին նախագիծն Ազգային ժողովում ներկայացրեց ՀՀ ոստիկանության պետի տեղակալ Արա Ֆիդանյանը:
«Օրինագծերի նպատակն է լուծել իրավակիրառ պրակտիկայում առաջացած խնդիրները և համապատասխանեցնել նույն ոլորտը կանոնակարգող իրավադրությունները:
Մասնավորապես առաջարկվում է մինչև 16 տարեկան, ինչպես նաև 16 տարին լրացած արական սեռի անձանց անձնագրերը տրամադրել մինչև նրանց 19 տարին լրանալը, գործող 18 տարեկանի փոխարեն, իսկ 19 տարին լրացած լինելու դեպքում պարտադիր զինվորական ծառայության զորակոչից տարկետման ժամանակահատվածից բացի, նաև զինվորական ծառայության և զինծառայողի կարգավիճակի մասին օրենքով սահմանված բժշկական վերափորձաքննության ժամկետով:
Օրինագով միաժամանակ առաջարկվում է պաշտպանության նախարարի միջնորդությամբ 18 տարին լրացած արական սեռի քաղաքացիներին նաև ավելի երկար ժամկետով անձնագիր տրամադրելու հնարավորություն նախատեսել այլ բացառիկ դեպքերում»,- նշեց Ֆիդանյանը:
ԱԺ Պաշտպանության և անվտանգության հարցերի մշտական հանձնաժողովը ներկայացված նախագիծը միաձայն ընդունեց:
Մանրամասները՝ տեսանյութում:
