19.11.2024 | 18:32
Երևանաբնակ 100-ամյա տարեցները 1-ական մլն դրամ կստանան․ ՏԵՍԱՆՅՈՒԹ
Իշխանասարից ադրբեջանական զորքերի դուրս գալու տեղեկությունն Անդրանիկ Քոչարյանը ևս չի հերքում․ ՏԵՍԱՆՅՈՒԹ
Քաղաքականություն
30.11.2021 | 13:14
ԱԺ պաշտպանության և անվտանգային հարցերի մշտական հանձնաժողովի նախագահ Անդրանիկ Քոչարյանը խորհրդարանում լրագրողների հետ զրույցում անդրադառնալով Իշխանասարից ադրբեջանական զորքերի դուրս գալու մասին տեղեկություններին, նշեց, որ ճիշտ կլիներ այդ մասին հարցերն ուղղել ՊՆ փոխնախարարին:
«Թույլ տվեք միաժամանակ ես էլ խուսափեմ այդ հարցին պատասխանել, որովհետև կան բաներ, որ արժի մեկ-մեկ խուսափել»։
Հարցին, թե ի՞նչ պայմանավորվածությունների արդյունքում են ադրբեջանցիները դուրս եկել Իշխանասարից, Քոչարյանը պատասխանեց, որ ՀՀ ինքնիշխան տարածքից պետք է դուրս գան՝ շուտ թե ուշ. «Ինչքան շուտ, այդքան լավ»,- ասաց Քոչարյանը, հավելելով, որ հիմա հանձնաժողովներ են աշխատում և մնում է մեր շահերը ճիշտ ընկալեն և սպասարկեն մեր երկրի շահերը։
Քոչարյանը նշեց, որ նոյեմբերի 26-ին Սոչիում կայացած եռակողմ հանդիպումը տվել է դրական ընկալում և չի կարող ասել՝ դրական ընկալումը հակառակորդը ինչպես է իրականություն դարձնում և ինչ տեմպերով։
Անդրադառնալով դիտարկմանը, որ համայնքապետերն արդեն հաստատել են տեղեկությունը Իշխանասարից ադրբեջանական զինված ուժերի հետ են քաշվելու մասին, Քոչարյանը նշեց. «Իշխանասարի մասին տեղեկություն կա, բայց եկեք չխոսենք այդ մասին, թողեք մեր զինվորականությունը կառավարի ստեղծված իրավիճակը։ Հայաստանի ինքնիշխան տարածքում օտար զինված ուժեր չեն կարող լինել»:
Մանրամասները՝ տեսանյութում:
