29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
ՄԱԿ-ի Միջազգային դատարանը դեկտեմբերի 7-ին հրապարակելու է Ադրբեջանի դեմ Հայաստանի ներկայացրած հայցի շուրջ որոշումը
Քաղաքականություն
30.11.2021 | 13:06
ՄԱԿ-ի Արդարադատության միջազգային դատարանը դեկտեմբերի 7-ին կհրապարակի Ադրբեջանի դեմ Հայաստանի ներկայացրած հայցի շուրջ որոշումը՝ հրատապ միջոցների կիրառման մասին։ Այս մասին տեղեկանում ենք դատարանի պաշտոնական կայքից։
Նշվում է, որ համավարակային իրավիճակով պայմանավորված՝ որոշման հրապարակմանը ներկա կլինեն միայն դատարանի անդամներն ու գործին մասնակից պետությունների ներկայացուցիչները։
Նշենք, որ դեկտեմբերի 7-ին դատարանը հրապարակելու է նաև Հայաստանի դեմ Ադրբեջանի դիմումի շուրջ որոշումը։
Հիշեցնենք, որ սեպտեմբերի 16-ին Հայաստանը հայց էր ներկայացրել ՄԱԿ-ի Միջազգային դատարան՝ Ադրբեջանի կողմից Ռասայական խտրականության բոլոր ձևերի վերացման մասին միջազգային կոնվենցիայի հիմքով՝ խնդրելով նաև հրատապ միջոցներ կիրառել։ Ավելի ուշ նույն հիմքով Ադրբեջանը ևս Հայաստանի դեմ հայց ներկայացրեց։ Հոկտեմբերի 15-16-ին դատարանում տեղի ունեցավ ընդդեմ Ադրբեջանի Հայաստանի հայցի քննությունը։
Էմմա Չոբանյան
