31.03.2026 | 14:03
Փաշինյանն ու ՀՀ-ում ԵՄ առաքելության ղեկավարը տարածաշրջանում կայունության ապահովմանը վերաբերող հարցեր են քննարկել
Դասընթացներ՝ պատերազմի մասնակից 30 զինծառայողի համար
Հասարակություն
29.11.2021 | 20:02
Աշխատանքի և սոցիալական հարցերի նախարար Նարեկ Մկրտչյանը հանդիպում է ունեցել Գրանթ Թորնթոն Հայաստան կազմակերպության պատվավոր նախագահ, Ֆրանսահայերի խորհրդի նախագահ Դանիել Քյուրքջյանի և նույն խորհրդի անդամ Արման Փինարբասիի հետ: Այս մասին տեղեկացնում է նախարարության մամուլի ծառայությունը։
Հանդիպման ընթացքում քննարկվել են աշխատանքի և սոցիալական պաշտպանության ոլորտում համատեղ իրականացվող ծրագրերին և հետագա համագործակցության ուղղություններին առնչվող մի շարք հարցեր։ Մասնավորապես՝ պայմանավորվածություն է ձեռք բերվել վերապատրաստման դասընթացներ կազմակերպել պատերազմի մասնակից 30 զինծառայողի համար, իսկ լավագույն արդյունք գրանցած 5 մասնակցի հնարավորություն տալ դասընթացները շարունակել Ֆրանսիայում։
