29.06.2026 | 17:42
Ուրսուլա ֆոն դեր Լայենը աշխատանքային այցով կժամանի Հայաստանի Հանրապետություն
Իրանն ու Թուրքիան պայմանավորվել են Գերագույն հանձնաժողովի նիստ հրավիրել
Քաղաքականություն
29.11.2021 | 20:14
Իրանի արտգործնախարար ՀոսեյնԱմիր Աբդոլլահիանը, անդրադառնալով Իրանի և Թուրքիայի միջև երկարատև հարաբերություններին, Թվիթերում գրել է, որ Իրանի և Թուրքիայի նախագահները պայմանավորվել են Ռեջեփ Թայիփ Էրդողանի՝ Թեհրան կատարելիք այցի ընթացքում Գերագույն հանձնաժողովի նիստ հրավիրել, գրում է Mehr գործակալությունը։
Նախարարը նաև հայտնել է, որ կիրակի Թուրքմենստանի մայրաքաղաքում Իբրահիմ Ռայիսիի և Ռեջեփ Թայիփ Էրդողանի հանդիպումն անցել բարեկամական և ջերմ մթնոլորտում՝ հավելելով, որ հանդիպման ընթացքում քննարկվել են հարաբերությունների համակողմանի զարգացումը և որոշ խոչընդոտների վերացումը։
Իրանի պատվիրակությունը, նախագահ Իբրահիմ Ռաիսիի գլխավորությամբ, շաբաթ գիշեր ժամանել է Թուրքմենստանի մայրաքաղաք Աշխաբադ՝ ECO-ի 15-րդ գագաթնաժողովին մասնակցելու համար։
ECO-ի գագաթնաժողովի շրջանակում Իրանի նախագահը մի քանի երկկողմ հանդիպում է ունեցել տարածաշրջանի տարբեր երկրների ղեկավարների հետ։
Շեշտը դնելով երկկողմ և տարածաշրջանային հարցերում երկու երկրների համագործակցության և համակարգման զարգացման վրա՝ Իրանի և Թուրքիայի նախագահներն ընդգծել են Թեհրան-Անկարա հարաբերությունների համակողմանի զարգացման համար բոլոր հնարավորություններից օգտվելու անհրաժեշտությունը։
Տաթև Ֆռանգյան
