Քաղաքականություն
29.11.2021 | 17:52
Արցախի գրավյալ տարածքներում ադրբեջանցիների՝ ականի վրա պայթելու հերթական դեպքն է տեղի ունեցել, այս անգամ՝ Ջրականում։ Ադրբեջանական լրատվամիջոցների հաղորդմամբ՝ 41-ամյա տղամարդ է պայթել ականի վրա։
Նշվում է, որ նոյեմբերի 9-ին տեղի դատախազություն տեղեկություն է ստացվել, որ 1980թ-ին ծնված Նաթիգ Մամեդովը պայթել է ականի վրա շինարարա-վերականգնողական աշխատանքներ կատարելիս։
Դեպքի վայրը զննվել է դատախազության աշխատակիցների կողմից, նշանակվել է դատաբժշկական փորձաքննություն։ Նշվում է, որ Մամեդովի աջ ոտքն անդամահատվել է։
Հավելենք, որ նախօրեին էլ Վարանդայում (Ֆիզուլի) երկու ադրբեջանցի զինծառայող է պայթել ականի վրա։
Էմմա Չոբանյան
