26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Ավստրալիայի Ներկայացուցիչների պալատը կոչ է արել կառավարությանը` ճանաչել Հայոց ցեղասպանությունը
Քաղաքականություն
29.11.2021 | 14:30
2021 թվականի նոյեմբերի 29-ին Ավստրալիայի Դաշնային խորհրդարանի Ներկայացուցիչների պալատը միաձայն կոչ է արել երկրի կառավարությանը՝ ճանաչել հայերի, ասորիների և հույների ցեղասպանությունները, հայտնում է Ավստրալիայի Հայ դատի հանձնախումբը (ANC-AU):
Պատգամավոր Թրենթ Զիմերմանի միջնորդությունը ներկայացվել է խորհրդարանին, որի խոսնակն են եղել նաև կառավարության անդամներ Ջոն Ալեքսանդրը և Ջուլիան Լիզերը, որոնց միացել են ընդդիմադիր պատգամավորներ Ջոշ Բըրնսը, Սթիվ Ջորգանասը և Ջոել Ֆիցգիբոն։
«Ներկայացուցիչների պալատն ասաց իր խոսքը: Ավստրալիայի խորհրդարանի ամենամեծ ու ամենաներկայացուցչական օրենսդիր պալատը միաձայն կոչ է արել կառավարությանը՝ ճանաչել հայերի, ասորիների և հույների ցեղասպանությունները: Այս միաձայն դիրքորոշումը բացառում է թուրքական միջամտությունն Ավստրալիայի արտաքին քաղաքականությանն ու հորդորում է մեր վարչապետին ու նրա ղեկավարած կառավարությանը՝ կանգնելու ընտրված ներկայացուցիչների կողքին ու ցեղասպանությունը կոչել ցեղասպանություն»,- ասել է Հայ դատի Ավստրալիայի հանձնախմբի գործադիր տնօրեն Հայկ Կայսերյանը:
Տաթև Ֆռանգյան
