25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
ԵզրաԿԱՑՈՒԹՅՈՒՆ. Երեք հեքիաթ՝ նոր ատոմակայանի, Իրան-Հայաստան երկաթգծի և Համահայկական բանկի մասին. ՏԵՍԱՆՅՈՒԹ
Քաղաքականություն
06.04.2018 | 18:27
2008թ. հոկտեմբերի 2-ին ԱԺ ուղերձում Սերժ Սարգսյանը հայտարարեց երեք խոշորագույն ծրագրերի մեկնարկի մասին․«Ես ուզում եմ, որ Հայաստանում գործարար հետաքրքրություններ ունեցող ու ապագայի ծրագրեր մշակող արտերկյա և հայրենի բոլոր գործարարները, մեր քաղաքացիներն ու աշխարհասփյուռ մեր հայրենակիցները մեկ անգամ ևս տեղեկացված լինեն, որ.
ա/ առաջիկա ամիսների ընթացքում Հայաստանն սկսում է նոր ատոմակայան կառուցել,
բ/ առաջիկա տարիների ընթացքում սկսվելու է Իրան-Հայաստան երկաթուղի կառուցվել
գ/առաջիկա ամիսների ընթացքում Համահայկական բանկ ու ներդրումային հիմնադրամ է ստեղծվելու, որոնք մեծամասշտաբ ծրագրեր են ֆինանսավորելու»,- ասել էր նա:
Ի՞նչ արդյունքներով է այս խոստումներից 10 տարի անց Սերժ Սարգսյանը երկրի նախագահի պաշտոնը թողնում և պատրաստվում դառնալ վարչապետ։
ա/Հայաստանում նոր ատոմակայան կառուցված չէ
բ/Իրան-Հայաստան երկաթուղին գոյություն չունի
գ/ 2011թ -ին ստեղծված Համահայկական բանկը 2017 թ-ին ըստ էության փակվեց՝ վերափոխվելով ներդրումային հիմնադրամի։
6 տարվա ընթացքում համահայկական կոչված այս կառույցը ունեցավ մեկ գրասենյակ, տեղաբաշխեց ընդամենը 5,5 միլիարդ դրամ։ Այսքանից հետո արժե հիշեցնել Սերժ Սարգսյանի՝ 2008 թ․ նախընտրական քարոզարշավում հնչեցրած հավաստիացումը․ «Ինձ չեք կարող քննադատել նրա համար, որ ես երբևէ ինչ-որ բան խոստացել եմ, և այդ խոստումը մնացել է օդում»։ Սերժ Սարգսյան
