14.01.2026 | 17:30
«Անակնկալի եկանք»․ Վագիֆ Խաչատրյանի դուստրը Երևան է ուղևորվում
ԵՄ-ն կկանգնի ձեր կողքին՝ առաջարկելով անհրաժեշտ աջակցություն հակամարտության հավասարակշռված փոխզիջում գտնելու հարցում․ ԵԽ փոխնախագահ
Քաղաքականություն
29.11.2021 | 13:54
Տարածքային վեճերի լուծումը, որը խորը տառապանք է պատճառել հայ ժողովրդին, կպահանջի համբերություն ու ժամանակ: Հայ դատի հանձնախմբերի խորհրդաժողովի բացմանը տեսակապով ունեցած ելույթում այս մասին ասել է Եվրոպական խորհրդարանի փոխնախագահ Ֆաբիո Մասիմո Կաստալդոն։
«Հաջող դիվանագիտական լուծումների հեռանկարներ, անշուշտ, կան, և Եվրոպական միությունը կկանգնի ձեր կողքին՝ առաջարկելով անհրաժեշտ աջակցություն՝ վերակառուցման ու հակամարտության հավասարակշռված փոխզիջում գտնելու հարցում, որը չի ավելացնի Հայաստանի՝ արդեն իսկ կրած հսկայական կորուստները»,- շեշտեց նա։
Ըստ Կաստալդոյի՝ հիշելով այն մարտահրավերները, ողբերգությունները և դժվարությունները, որոնց բախվել է հայ ժողովուրդը, չպետք է աչքաթող անել այն ամենը, ինչը Հայաստանը ձեռք է բերել անկախությունից ի վեր, և այն ներուժը, որ դեռ պետք է արտահայտի։
«Այսօր ձեր երկիրը հաջողությամբ ընթանում է բարեփոխումների հավակնոտ ճանապարհով, որը կամրապնդի նրա ժողովրդավարական ընթացքը և տնտեսական զարգացումը՝ գործադրելով բոլոր անհրաժեշտ ջանքերը՝ եվրոպական լինելու իմաստին հասնելու համար։ Համոզված եղեք, որ Եվրոպայում և ամբողջ աշխարհում հայ համայնքների ձայնը լսելի է մեզ։ Մենք ոչ մի դեպքում չենք կարող հանդուրժել մարդու իրավունքների հետագա ոտնահարումները, այլևս չենք կարող ընդունել, որ ուժն ու ռազմական հզորությունը գերակայեն օրենքի գերակայությանն ու ժողովրդավարությանը»,- ասել է նա։
