29.12.2025 | 17:03
Կրեմլը մեկնաբանել է Պուտին-Զելենսկի հեռախոսազրույցի հնարավորությունը և հայտնել առաջիկայում Պուտին-Թրամփ զրույցի մասին
4 գերեվարվածների մասով միջանկյալ միջոց կկիրառվի. ՄԻԵԴ-ը հերթական անգամ բավարարել է հայ իրավապաշտպանների դիմումը
Հասարակություն
27.11.2021 | 14:47
Եվրադատարանը, բավարարելով հայ իրավապաշտպանների դիմումը, որոշում է կայացրել նոյեմբերի 16-ին գերեվարված 4 հայ զինծառայողների գործով անհապաղ միջոց կիրառելու վերաբերյալ: Այս մասին Factor TV-ին ասաց իրավապաշտպան Արտակ Զեյնալյանը:
Եվրադատարան գանգատ է ներկայացվել ինչպես 44-օրյա պատերազմի ժամանակ անհետ կորած և գերեվարված, այնպես էլ նոյեմբերի 16-ին մարտական գործողություննների ժամանակ գերեվարվածների մասով: 4 զինծառայողի գործով ՄԻԵԴ էին դիմել Արտակ Զեյնալյան-Սիրանույշ Սահակյան փաստաբանական խումբը, մյուսների գործով՝ Եվրադատարանում Հայաստանի ներկայացուցիչը: Հարցին, թե ինչ է դա նշանակում, Զեյնալյանը պատասխանեց.
«Կյանքի ապահովման և երաշխավորման համար է դա արվում: Կարծես դա լինի հայցի ապահովման միջոց, այնպիսի գործողություններ կատարելու, որոնք հետագայում հնարավոր չի լինի իրականացնել: Եվրադատարանն ունի կանոն, երբ անհրաժեշտ է հրատապ միջոց կիրառել, մինչև վճռով կլուծվի հարցը: Եթե սպասենք վճռին, ապա հնարավոր է արդեն անիմաստ լինի այդ որոշումը կայացնելը: Նման դեպքերում միջանկյալ միջոց է կիրառվում»:
Արտակ Զեյնալյանը նաև նշեց, որ կան տեսանյութեր, համաձայն որոնց՝ գերեվարվածների թիվը 25-30 է:
Ադրբեջանին հարց է հղվել, արդյոք գերեվարե՞լ են այդ անձանց, նրանց իրավազորութան ներքո՞ են գտնվում, որտե՞ղ են պահվում, ինչպիսի ՞բժշկական միջամտություն է իրականացվել, ի՞նչ բժշկական հետազոտություններ են անցել: Արդյոք հայրենադարձնելու նպատակ ունե՞ն, թե՝ ոչ:
«Այս հարցերին պատասխանելու համար Ադրբեջանին մինչև դեկտեմբերի 1-ը ժամանակ է տրվել», – ընդգծեց Զեյնալյանը:
Սաթենիկ Հայրապետյան
