18.12.2025 | 22:20
Վթար Ներքին Դվին գյուղում․ կան տուժածներ
Մենք թանկ ենք գնահատում Հայաստանի հետ մեր ռազմավարական հարաբերությունները․ Պուտինը՝ Փաշինյանին. ՏԵՍԱՆՅՈւԹ
Քաղաքականություն
26.11.2021 | 22:00
Ռուսաստանը կարևորում է Հայաստանի հետ հարաբերությունների ռազմավարական և դաշնակցային բնույթը, հայտարարել է ՌԴ նախագահ Վլադիմիր Պուտինը Հայաստանի վարչապետ Նիկոլ Փաշինյանի հետ հանդիպման ժամանակ՝ հույս հայտնելով, որ երկրների միջև ապրանքաշրջանառությունը կհասնի նախահամաճարակային մակարդակի։
«Ռուսաստանի և Հայաստանի հարաբերությունները ռազմավարական բնույթ են կրում, դաշնակցային, խորը պատմական արմատներ ունեն: Մենք դա շատ ենք գնահատում և կանենք հնարավորը մեր շփումների այս մակարդակին նպաստելու համար»,- ասել է Պուտինը։
Նա նաև նշել է երկրների միջև տնտեսական համագործակցությունը։
«Ճիշտ է, վերջին մեկ տարվա ընթացքում ապրանքաշրջանառությունը փոքր-ինչ թուլացել է, բայց այս տարի այն զարգանում է արագացված տեմպերով և, հուսով եմ, ոչ միայն կհասնենք նախահամաճարակային մակարդակին, այլ ավելի առաջ կգնանք», – ավելացրել է ՌԴ նախագահը։
Մանրամասները՝ տեսանյութում
Տաթև Ֆռանգյան
