19.11.2024 | 18:32
Երևանաբնակ 100-ամյա տարեցները 1-ական մլն դրամ կստանան․ ՏԵՍԱՆՅՈՒԹ
Մեխանիզմներ՝ դեմարկացիայի ու դելիմիտացիայի համար, մարդասիրական խնդիրներում առաջընթաց․Պուտինը՝ եռակողմ հանդիպման արդյունքների մասին․ ՏԵՍԱՆՅՈւԹ
Քաղաքականություն
26.11.2021 | 21:09
Ռուսաստանի, Ադրբեջանի և Հայաստանի ղեկավարներ Վլադիմիր Պուտինը, Իլհամ Ալիևը և Նիկոլ Փաշինյանը պայմանավորվել են մինչև տարեվերջ ստեղծել անդրկովկասյան երկու հանրապետությունների միջև սահմանազատման և սահմանագծման մեխանիզմներ։
Այս մասին ՌԴ ղեկավարը հայտնել է Սոչիում շուրջ 3 ժամ տևած եռակողմ հանդիպման արդյունքներով հայտարարության ժամանակ։
Պուտինը պարզաբանել է, որ այդ մեխանիզմների ստեղծման համար ոչ մի խոչընդոտ չկա։
«Կա շատ կարևոր զգայուն պահ՝ կապված հումանիտար հարցերի հետ, և այստեղ մենք նույնպես զգալի առաջընթաց ենք գրանցել», – ընդգծել է Պուտինը
Ռուսաստանի նախագահ Վլադիմիր Պուտինը նաև հայտարարել է, որ պայմանավորվածություն է ձեռք բերվել տրանսպորտային միջանցքների ապաշրջափակման վերաբերյալ։
«Մենք շատ մանրամասն խոսեցինք տնտեսական հարցերի, տնտեսական կապերի զարգացման մասին, և առաջին հերթին խոսեցինք տրանսպորտային միջանցքների ապաշրջափակման մասին: Դա վերաբերում է նաև երկաթուղուն, դա վերաբերում է նաև ճանապարհային հաղորդակցությանը։ Կարծում եմ՝ այստեղ պետք է շնորհակալություն հայտնենք մեր փոխվարչապետերին, ովքեր բավակա նին երկար ժամանակ աշխատել են այս հարցերի շուրջ»,- ասել է Պուտինը բանակցությունների արդյունքներով հայտարարության ժամանակ։
Մանրամասները՝ տեսանյութում
Տաթև Ֆռանգյան
