30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Դիտավորյալ ու համակարգային չեն եղել․ Ալիևը՝ ռուս խաղաղապահների վերահսկողության տարածքներում սադրանքների մասին
Քաղաքականություն
26.11.2021 | 19:21
Ադրբեջանի նախագահ Իլհամ Ալիևը Սոչիում Ռուսաստանի նախագահ Վլադիմիր Պուտինի և ՀՀ վարչապետ Նիկոլ Փաշինյանի հետ հանդիպմանը հայտարարել է, թե Լեռնային Ղարաբաղում ռուս խաղաղպահ զորախմբի վերահսկողության ներքո տարածքներում սադրանքները դիտավորյալ չեն եղել և համակարգային բնույթ չեն կրում։
«Ընդհանուր առմամբ, ռուսական խաղաղապահ ուժերի պատասխանատվության գոտում իրավիճակը կայուն է, լուրջ միջադեպեր, դիտավորյալ սադրանքներ չեն եղել։ Դիտարկված առանձին դեպքերը համակարգային չեն եղել։ Ուստի, ես ցանկանում եմ շնորհակալություն հայտնել ռուսական խաղաղապահ զորախմբին լավ ծառայության համար, այն բանի համար, որ նրանք ապահովում են անվտանգությունը տարածաշրջանում»,- ասել է Ալիևը։
Բաքուն բարձր է գնահատում Ռուսաստանի աջակցությունը Ադրբեջանի և Հայաստանի միջև սահմանի որոշման հարցում, հավելել է նա։
«Մենք նաև բարձր ենք գնահատում այս հարցում աջակցությունը, այդ թվում՝ խորհրդատվական: Ադրբեջանի և Հայաստանի միջև սահմանը չի սահմանազատվել, ուստի մենք բազմիցս հայտնել ենք, որ պատրաստ ենք սկսել հրատապ սահմանազատման գործընթաց»,- ասել է Ալիևը։
Տաթև Ֆռանգյան
