22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Պայմանավորվում ենք առաջիկայում կարգավորել սահմանազատման, սահմանագծման ուղղությամբ աշխատանքները․ Պուտին․ ՏԵՍԱՆՅՈՒԹ
Քաղաքականություն
26.11.2021 | 18:16
Սոչիում եռակողմ հանդիպման ընթացքում Հայաստանի և Ադրբեջանի ղեկավարների ելույթից հետ ՌԴ նախագահ Վլադիմիր Պուտինը կարևորել է այն հանգամանքը, որ երկու երկրների ղեկավարներն էլ պատրաստակամություն են հայտնել սահմանագծման ու սահմանազատմանն ուղղված աշխատանքներ սկսել։
«Երկուստեք շահագրգռվածություն կա իրավիճակի կարգավորման, իրավիճակի դրական զարգացման հարցում։ Բոլորը շահագրգռված են հաղորդակցությունների ապաշրջափակմամբ, այդ թվում նաև Ռուսաստանը։ Պայմանավորվում ենք մոտ ապագայում սկսել սահմանագծման և սահմանազատման ուղղությամբ աշխատանքները։ Այս մասին ևս այսօր կխոսենք, չնայած այն շատ բարդ հարց է, որը ժառանգվել է դեռևս խորհրդային ժամանակներից, այն ժամանակ սահման չի եղել, սակայն հնարավորություն կա այդ մասին խոսելու»,- հայտարարել է ՌԴ նախագահը։
Նա նշել է, որ կարևոր են հնարավորինս շատ շփումները։
«Ուղիղ շփումներն առաջնահերթություն են, մոտ ապագայում նախատեսվում են ձեր հանդիպումները նաև Բրյուսելում, մենք նույնպես ողջունում ենք դրանք․ որքան շատ լինեն ուղիղ հաղորդակցության հնարավորությունները, այնքան լավ։ Հուսով ենք՝ մեկ քայլ առաջ կանենք, և հետո հնարավոր կլինի հետագա քայլեր ձեռնարկել այլ հարթակներում ևս»,- եզրափակել է Պուտինը։
Տաթև Ֆռանգյան
