12.09.2026 | 16:36
Վանաձորի օդում փոշու պարունակությունը գերազանցել է թույլատրելի սահմանը
Apple-ը Թուրքիայում վերսկսել է իր արտադրանքի վաճառքը, սակայն ավելի բարձր գներով
Քաղաքականություն
26.11.2021 | 16:44
Ամերիկյան Apple ընկերությունն այսօր վերսկսել է իր ապրանքների օնլայն վաճառքը Թուրքիայում պաշտոնական կայքի միջոցով, գրում է ՏԱՍՍ գործակալությունը։
Նշենք, որ մի քանի օր առաջ ընկերությունը դադարեցրել էր Թուրքիայում իր արտադրանքի վաճառքը՝ լիրայի պատմական արժեզրկումից հետո։
Ընկերությունը, սակայն, միջինը 25 տոկոսով բարձրացրել է իր ապրանքների գները Թուրքիայում՝ լիրայի անկման պատճառով արժեքի փոխհատուցման համար։
Թուրքիայում Apple-ի ապրանքների վաճառքի գնում ներառված են մի շարք հարկեր ու վճարներ, որոնք բավական ավելացնում են ապրանքի գինը։ Օրինակ՝ iPhone-ի դեպքում գործում է IMEI համարի գրանցման վճար․ տեխնիկական սարքերի հարկ, որից ստացված միջոցներն ուղղվում են TRT հեռուստառադիոընկերությանն ու Մշակույթի նախարարությանը։
Հավելենք, որ նոյեմբերի 23-ին թուրքական փոխարժեքը պատմական անկում էր գրանցել՝ 1 դոլարի դիմաց հասնելով 13․45 լիրայի։
Էմմա Չոբանյան
