26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Զելենսկին հայտարարել է ՌԴ-ի կողմից Ուկրաինայում հեղաշրջում նախապատրաստելու տեղեկությունների մասին
Քաղաքականություն
26.11.2021 | 15:30
Ուկրաինայի նախագահ Վլադիմիր Զելենսկին հայտարարել է, որ տեղեկություններ է ստացել Ուկրաինայի որոշ շրջանակների և Ռուսաստանի միջև Ուկրաինայում պետական հեղաշրջման շուրջ քննարկումների մասին, որին պետք է մասնակցի նաև գործարար Ռինատ Ախմետովը։ ՈւՆԻԱՆ-ի հաղորդմամբ՝ այս մասին Զելենսկին հայտարարել է «30 հարց Ուկրաինայի նախագահին» ասուլիսի ժամանակ։
«Կարող եմ անմիջապես ասել, որ մենք ունենք ոչ միայն հետախուզական տվյալներ, այլ նաև ձայնագրություն, որտեղ Ուկրաինայի ներկայացուցիչները, օրինակ, Ռուսաստանի ներկայացուցիչների հետ քննարկում են Ռինատ Ախմետովի մասնակցությունը Ուկրաինայում պետական հեղաշրջմանը, որ մեկ միլիարդ դոլար կներդրվի և այլն։ Սա օպերացիա է։ Ռինատ Ախմետովին ներքաշում են Ուկրաինայի դեմ պատերազմի մեջ։ Կարծում եմ՝ նա սկսել է այն։ Կարծում եմ, որ, ցավոք, դա կլինի նրա մեծ սխալը, քանի որ չի կարելի պատերազմել սեփական ժողովրդի դեմ, նախագահի դեմ, որն ընտրվել է Ուկրաինայի ժողովրդի կողմից»,- հայտարարել է Զելենսկին։
Տաթև Ֆռանգյան
