14.01.2026 | 17:30
«Անակնկալի եկանք»․ Վագիֆ Խաչատրյանի դուստրը Երևան է ուղևորվում
ԱԺ պաշտպանության հանձնաժողովում փակ քննարկում է, մասնակցում են մարզպետներ
Քաղաքականություն
26.11.2021 | 13:37
Այսօր՝ ժամը 12.00-ին, ԱԺ պաշտպանության և անվտանգության հարցերի մշտական հանձնաժողովում անցկացվում է փակ աշխատանքային քննարկում: Այս մասին խորհրդարանից հայտնում է Factor TV-ի լրագրողը։ Հանձնաժողովի նախագահ Անդրանիկ Քոչարյանը քննարկման սկզբում նշեց, որ աշխատանքային քննարկում են կազմակերպել Աշխարհազորի մասին օրենքի առնչությամբ, որն ընդունվել է նախորդ տարվա հոկտեմբերին՝ պատերազմի ընթացքում:
«Դա, ամենայն հավանականությամբ, ամբողջական չէր: Գուցե, ինչ-որ խնդիր լուծեց տվյալ օրենքը, բայց շատ հնարավոր է, որ չլուծեց: Այսօր հավաքվել ենք, որ հասկանանք, թե այս օրենքը խնդիրների ամբողջությունը կարողանու՞մ է լուծել, իսկ եթե ոչ, ապա ինչ պետք է անենք»,- ասաց Քոչարյանը: Վերջինս առաջարկեց նիստը փակ անցկացնել, քանի որ քննարկելու են բանակի ռեզերվին առնչվող հարցեր: Նշենք, որ փակ քննարկմանը, բացի պատգամավորներից, մասնակցում են Արագածոտնի մարզպետ Ռազմիկ Պետրոսյանը, Սյունիքի մարզպետ Մելիքսեթ Պողոսյանը, Արարատի մարզպետ Ռազմիկ Թևոնյանը, Գեղարքունիքի մարզպետի տեղակալ Ռուբիկ Նավոյանը, պաշտպանության նախարարության իրավաբանական վարչության պետ Սասուն Սիմոնյանը, զորահավաքային կառույցի իրավաբանական ծառայության պետ, գնդապետ Արեն Սարգսյանը և այլք:
Մերի Մարտիրոսյան
