Քաղաքականություն
26.11.2021 | 14:35
Իրաքի ԱԳ նախարարությունը հայտնել է, որ տարհանել է Բելառուսում արգելափակված 617 միգրանտների, որոնց մեծ մասը կանայք, երեխաներ և ծերեր են, փոխանցում է «Սինհուա» գործակալությունը։
«Նախարարության ջանքերը շարունակվում են՝ միգրանտներին կամավոր տարհանելու համար․ 617 իրաքցիներ այժմ վերադարձվել են Բելառուսի մայրաքաղաք Մինսկից՝ Իրաքի ավիաուղիների հետ պայմանավորվածության արդյունքում»,- հայտնել է Իրաքի ԱԳՆ խոսնակ Ահմեդ աս-Սահաֆը։
Ավելի վաղ արված հայտարարությամբ Իրաքի վարչապետ Մուսթաֆա ալ-Քադհիմին նշել էր, որ կարևոր է «համատեղ քայլեր ձեռնարկել՝ Իրաքի քաղաքացիների անվտանգությունն ապահովելու համար, որպեսզի Իրաքի ոչ մի քաղաքացի չդառնա համացանցային թրաֆիքինգի զոհ»։
Ամսվա սկզբին Իրաքի ԱԳՆ-ն հայտարարել էր դեպի Բելառուս ուղիղ չվերթների դադարեցման մասին՝ իրաքցի միգրանտներին մարդկանց թրաֆիքինգով զբաղվող խմբավորումներից պաշտպանելու համար:
Հազարավոր միգրանտներ հավաքվել են Լեհաստանի հետ սահմանի բելառուսական կողմում՝ փորձելով մտնել Լեհաստան, այնուհետև հասնել Գերմանիա։
Տաթև Ֆռանգյան
