03.05.2024 | 14:10
NYMEX․ Ոսկու գինը նվազել է
Ադրբեջանը Հայաստանին է հանձնել ՀՀ 2 քաղաքացու, նրանց անունները հայտնի են․ ՏԱՍՍ
Քաղաքականություն
26.11.2021 | 10:54
Ադրբեջանը Հայաստանին է հանձնել Հայաստանի երկու քաղաքացու, որոնցից մեկը գերի էր ընկել նոյեմբերի 16-ին սահմանին տեղի ունեցած բախումների ժամանակ։ Այս մասին հայտնում է ՏԱՍՍ-ը՝ հղում կատարելով Ադրբեջանի գերիների, պատանդների և անհետ կորած քաղաքացիների հարցերով պետական հանձնաժողովին։
Ադրբեջանը «նոյեմբերի 26-ին Հայաստանին է հանձնել ազգությամբ հայ երկու քաղաքացու, որոնցից մեկը Արին Ժիրայրի Արամյանն է, որը վիրավորվել էր 2021 թվականի նոյեմբերի 16-ին տեղի ունեցած ռազմական գործողությունների ժամանակ»,- ասված է հայտարարության մեջ։
Ադրբեջանական լրատվամիջոցների հաղորդմամբ `ՀՀ երկրորդ քաղաքացին նոյեմբերի 23-ին Արցախի Մարտունու շրջանի Աշան համայնքի 21-ամյա բնակիչ Միհրան Մուսայելյանն է, որը մոլորվել և անցել էր Ադրբեջանի վերահսկողության ներքո գտնվող տարածք։
Հայկական կողմից տեղեկությունը առայժմ չեն մեկնաբանում։ Հիշեցնենք`նոյեմբերի 16-ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն էին նախաձեռնել ՀՀ արևելյան սահմանագոտու ուղղությամբ, կրակը դադարեցվել էր ռուսական կողմի միջնորդությամբ։
Տաթև Ֆռանգյան
