11.02.2026 | 20:44
Թուրքիան տարածաշրջանում ձգտում է եղբայրության, այլ ոչ թե ազդեցության․ Էրդողան
Թուրքիայում խոստացել են պատժել փողոցային ցույցերի կազմակերպիչներին
Քաղաքականություն
25.11.2021 | 19:13
Թուրքիայի իշխող «Արդարություն և զարգացում» կուսակցության հետ դաշինք կազմած «Ազգայնական շարժում» կուսակցության առաջնորդ Դևլեթ Բահչելին հայտարարել է, որ երկրում փողոցային ակցիաներ նախաձեռնողները պատժվելու են, գրում է ՌԻԱ Նովոստին։
«Նրանք, ովքեր կոչ են անում փողոցային բողոքի ակցիաներ կազմակերպել՝ ձգտելով երկրում խարխլել հանգստությունը, պատժվելու են։ Թուրքիան այն երկիրը չէ, որտեղ հարցերը լուծվում են փողոցում։ Արտահերթ ընտրությունների մասին ընդդիմության կոչերը նույնպես անօգուտ են։ Ընտրությունները կայանալու են 2023 թվականին»,- ասել է Բահչելին լրագրողների հետ զրույցում։
Նշենք, որ նախօրեին Թուրքիայի տարբեր քաղաքներում դարձյալ բողոքի ակցիաներ են անցկացվել կառավարության հրաժարականի պահանջով։ Ոստիկանությունը բռնի ուժ է կիրառել ցուցարարների նկատմամբ, կան բազաթիվ ձերբակալվածներ։
Թուրքիայի Անվտանգության գլխավոր վարչությունն էլ հայտարարել է, որ համացանցում բողոքի ակցիաների կոչերի համար օգտատերերի նկատմամբ քրեական գործեր են հարուցվել։
Լիրայի ռեկորդային արժեզրկման ֆոնին էլ ընդդիմադիր առաջնորդներն արտահերթ ընտրություններ անցկացնելու կոչ են անում։
Էմմա Չոբանյան
