29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
Սաակաշվիլին առաջարկել է իրեն ազատ արձակելու համար նախաձեռնող խումբ ստեղծել
Քաղաքականություն
25.11.2021 | 17:35
Վրաստանի նախկին նախագահ Միխայիլ Սաակաշվիլին անհրաժեշտ է համարում ստեղծել նախաձեռնող խումբ, որը կաշխատի իրեն բանտից ազատելու արշավի ուղղությամբ, գրում է Սպուտնիկի վրացական ծառայությունը։
«Անվտանգության ծառայության կողմից տարածված շահարկումները ցրելու, ինչպես նաև մանևրելու ավելի շատ տեղ թողնելու համար: Ես կարծում եմ, որ նախաձեռնող խումբը պետք է աշխատի իմ ազատ արձակման ուղղությամբ, որը միանձնյա կհամակարգի ընթացիկ արշավը»,- ասել է Սաակաշվիլին վրացիներին ուղղված ուղերձում։
Միաժամանակ, ըստ Վրաստանի նախկին նախագահի, միանգամայն ակնհայտ է, որ գործող իշխանությունների դեմ պայքարի ամենաարդյունավետ մեթոդը զանգվածային խաղաղ հանրահավաքներն են։ Նրանք, ովքեր չեն կարողանա ուղղակիորեն մասնակցել հանրահավաքներին, Սաակաշվիլին կոչ է արել ցուցարարներին օգնել սնունդով։
«Որքան խիզախ ու անխոնջ լինենք, այնքան կմոտենանք մեր հայրենիքի ազատագրմանը: Դա ազատություն կբերի ոչ միայն ինձ, այլև բոլոր անօրինական հալածյալներին»,- գրում է Սաակաշվիլին։
Նախկին նախագահի խոսքով՝ իրեն ձերբակալելով՝ իշխող «Վրացական երազանք» կուսակցության հիմնադիր Բիձինա Իվանիշվիլին փորձում է կանխել կոալիցիոն կառավարության ձևավորումը։
«Հիշեցնեմ, որ ես ինձ չեմ տեսնում ապագա կառավարության ոչ մի կոնֆիգուրացիայի մեջ»,- գրում է Սաակաշվիլին։
Հիշեցնենք՝ Սաակաշվիլին մեղադրվում է երկու քրեական գործի շրջանակում. այժմ Վրաստանի նախկին նախագահը Գորիի զինվորական հոսպիտալում է։ Նրան այնտեղ են տեղափոխել Թբիլիսիի բանտային հիվանդանոցից՝ 50 օր հացադուլից հետո։ Սաակաշվիլիի ձերբակալությունից հետո Վրաստանում գրեթե ամեն օր ընդդիմության բողոքի ցույցեր են անցկացվում՝ նրան ազատ արձակելու պահանջով։
Տաթև Ֆռանգյան
